Qazaqstandyq short-trekshi qyzdar el qorjynyna taǵy bir kúmis saldy

 HARBIN.KAZINFORM – Qytaıdyń Harbın qalasynda ótip jatqan ІH qysqy Azııa oıyndarynda Qazaqstan delegatsııasynyń qorjyny taǵy bir kúmis júldemen tolyqty. 

Short-trekten Qazaqstan qyzdar quramasy 3000 metrge komandalyq estafeta básekeinde máre syzyǵyn ekinshi bolyp kesti. 

Qazaqstan quramasy sapynda Olga Tıhonova, ıAna Han, Malıka Ermek jáne Alına Ájǵalıeva jarys jolyna shyqty.

Sportshylarymyz jarys barysynda aldyńǵy úshtikti saqtady. Sońǵy aınalym kezinde, Koreıa quramasynyń sportshysy jarys jolynan shyǵyp qalyp, qazaqstandyq short-trekshi qytaılyq sportshydan keıin ekinshi keldi.

Aıta keteıik, bul Qazaqstan delegatsııasynyń Harbın qysqy Azııa oıyndaryndaǵy besinshi júldesi. 

Osyǵan deıin, qazaqstandyq sportshylar qysqy Azııa oıyndarynyń alǵashqy kúni 3 kúmis enshilep, medaldar kestesinde tórtinshi orynǵa jaıǵasty.

Eske sala keteıik, short-trekten Qazaqstan quramasy aralas komandalyq estafetadan el qorjynyna alǵashqy kúmis júlde salǵan bolatyn.