Qazaqstandyq sheberler quraq kórpe tigýden álemdik rekord ornatty
ASTANA. KAZINFORM – Elimizdiń ár óńirinen jınalǵan sheber ájeler quraǵan kórpe álemdik rekord retinde tirkeldi.
«Búgin saǵat 13.00-de erekshe is-shara ótti. Qazaqstannyń túkpir-túkpirinen kelgen 450-den astam sheber quraq kórpe tikti. Osylaısha, dúnıejúzilik kóshpendiler oıyndarynda qazaqstandyq Gınnes rekordtar kitabyna tirkeletin álemdik rekord ornatyldy», - dep habarlady Dúnıejúzilik kóshpendiler oıyndarynyń baspasóz qyzmetinen.
Aıta keteıik, sanaýly saǵattan soń V Dúnıejúzilik kóshpendiler oıyndarynyń saltanatty ashylýy ótedi.
Aıtýly sharaǵa álemniń 89 elinen 2500-den astam adam qatysady jáne ulttyq sport básekesiniń ashylý rásimi «Astana arena» stadıonynda ótedi.
Eske salsaq, Mádenıet jáne aqparat mınıstrliginiń habarlaýynsha, shoýǵa 3 myń artıst qatysady. Sharanyń ashylý rásiminiń aldynda, 8 qyrkúıek kúni saǵat 16:00-de qazaqstandyq estrada juldyzdarynyń qatysýymen kontsert ótedi. Kontsert aıaqtalysymen saǵat 19:00-de resmı ashylý saltanaty bolady. Shoý barysynda sahna men mýltımedıanyń zamanaýı tehnologııalary qoldynyla otyryp, eki saǵattyq mýzykalyq teatrlandyrylǵan qoıylym uıymdastyrylady.
