Qazaqstandyq «Shatyrdaǵy ekeý» fılmi Úndistandaǵy kınofestıvalde jeńimpaz atandy
ASTANA. KAZINFORM – «Shatyrdaǵy ekeý» fılmi Úndistannyń Kalkýtta qalasynda ótken «Altyn arystan» (GLIFF) halyqaralyq kınofestıvalinde eki atalym boıynsha jeńimpaz atandy.
QR Mádenıet jáne aqparat mınıstrligi baspasóz qyzmetiniń málimetinshe, fılm úzdik tolyqmetrajdy fılm dep tanylyp, Best Debut Filmmaker Of Feature Film nomınatsııasynda jeńiske jetti.
Sonymen qatar fılm ótken jyly Nıý-Iorktegi Oniros Film Awards bedeldi konkýrsynyń shırek fınalyna shyqty. Kınokartına QR Mádenıet jáne aqparat mınıstrligi men Ulttyq kınony qoldaý ortalyǵynyń qoldaýymen túsirilgen.
«Shatyrdaǵy ekeý» fılminde taǵdyry qıyndyqqa toly jas jigit Damır men aýtızmge shaldyqqan jasóspirim Kostıanyń arasyndaǵy dostyq sýretteledi. Shyǵarmashylyq top kartınada ınklıýzııanyń mańyzyn jáne erekshe balalardyń qoǵamǵa beıimdelý máselesin kótergen.
Mádenıet jáne aqparat mınıstri Aıda Balaeva «Qazaqfılm» ulttyq kınony qoldaý ortalyǵynyń qarajatyna qol jaımaıtynyn aıtty.