Qazaqstandyq shahmatshylar Grekııadaǵy álem chempıonatynda 6 altyn, 1 qola medal aldy
ASTANA. KAZINFORM – Qazaqstan shahmatshylary rapıdten ıýnıorlar arasyndaǵy álem birinshiliginde 7 medal jeńip aldy.
Álem chempıony ataǵyna ıe bolǵan shahmatshylar:
– Ádınur Ádilbek (O8);
– Alısha Bısalıeva (G8) — 11 partııanyń barlyǵynda jeńiske jetken.
– Ámirjan Ánetov (O10);
– Aıarý Altynbek (G14);
– Elnaz Qalıahmet (G16);
– Erǵalı Súleımen (O18);
Jansaıa Sholpanbek qola medal aldy (G14).
Alty jeńimpaz da shveıtsarııalyq júıe boıynsha ótken 11 týrdyń qorytyndysy boıynsha ózderiniń jas sanattarynda úzdik atanyp otyr. Olardyń osy jeńisinen keıin Qazaqstan komandalyq esepte birinshi orynǵa shyqty.
18 jasqa deıingi ıýnıorlar arasyndaǵy rapıd pen blıts boıynsha álem chempıonaty 2025 jyldyń 13-17 sáýiri aralyǵynda Rodos aralynda (Grekııa) — Iksııa kýrort aýdaǵyndaǵy Rodos Palace Hotel Halyqaralyq konferents-ortalyǵynda ótip jatyr. Týrnırge 49 eldiń 8 - 18 jasqa deıingi sanattaǵy 433 shahmatshysy kelgen.
Aıta keteıik, bozbalalar men qyzdardyń jarysy bólek-bólek ótedi. Qazaqstan saıysqa 22 shahmatshyny jiberdi. Olardyń ishinde ekeýi ǵana — Ádınur Ádilbek (O8) pen WFM Aıarý Altynbek (G14) jarys favorıtteri sanaldy.
17 sáýir kúni blıtsten (5+3) jarys aıaqtalady. Onda shveıtsarııalyq júıe boıynsha 11 týr ótkizý josparlanǵan.
Eske salsaq, buǵan deıin SQO-da 7-synyp oqýshysy shahmat trenajerin jasap shyqqanyn jazǵan edik.