Qazaqstandyq shahmatshy halyqaralyq týrnırdiń júldegeri atandy

ASTANA. KAZINFORM – Qazaqstandyq grossmeıster Qazybek Nógerbek Frantsııanyń Kann qalasynda ótken Festival International des Jeux 2025 halyqaralyq shahmat týrnırinde el qorjynyna qola medal syılady.

Naqtyraq aıtsaq, 20 jastaǵy shahmatshy 9 týrdyń qorytyndysy boıynsha 7 upaı jınady. Nátıjesinde júldeli úshinshi orynǵa ıe boldy.

Sońǵy týrda jerebe tartylyp, qazaqstandyq eki grossmeıster – 24 jasar Álisher Súleımenov (2481) pen 20 jastaǵy Qazybek Nógerbek (2514) baq synasty. Qara fıgýralarmen oınaǵan 20 jasqa deıingi shahmatshylar arasyndaǵy 2024 jyldyń álem chempıony qarsylasynan basym túsip, 3-orynǵa kóterildi. 

Jarysqa qatysqan Qazaqstannyń basqa shahmatshylarynyń nátıjesi tómendegideı: 

Álisher Súleımenov – 6 upaı, 16-shy oryn;

11 jasar Alanna Berikqyzy (2015) – 4 upaı, 86-shy oryn;

12 jasar Tımýr Dýshatov (2102) – 4 upaı, 93-shi oryn.

Aıta keteıik, Ulytaý oblysynda Qazaqstandaǵy eń iri shahmat akademııasy ashyldy.