Qazaqstandyq shabandozdar halyqaralyq dodalarda top jardy
ASTANA. KAZINFORM – Qazaqstannyń kásibı at sporty boıynsha «Prestige Horse Club» klýbynyń músheleri Raısa jáne Oleg Sokolenko Reseı Federatsııasy men Belarýs Respýblıkasynda ótken halyqaralyq týrnırlerde el namysyn laıyqty qorǵap, úzdik nátıjelerge qol jetkizdi.
2025 jylǵy 2–6 shilde aralyǵynda Mınsk qalasynda ótken Dostastyq kýbogy aıasynda Raısa Sokolenko Qazaqstan–Ózbekstan birikken quramasy sapynda 145 sm bıiktiktegi komandalyq marshrýtta top jaryp, 1-oryn aldy. Ol «Ýran» atty atymen eki kezeńdi de aıyp upaıynsyz aıaqtap, joǵary sheberlik pen senimdi óner kórsetti.
Odan keıin, 17–27 shilde aralyǵynda Máskeý oblysynda uıymdastyrylǵan Eýrazııalyq oıyndarda Raısa Sokolenko 25 jasqa deıingi sportshylar arasynda jeke esepte chempıon atandy. Bul jeńis sportshynyń turaqty daıyndyq deńgeıin jáne jarys jaǵdaıyndaǵy senimdiligin aıqyndaı tústi.
Jazǵy maýsym barysynda Oleg Sokolenko da birqatar jarystarda úzdik nátıjelerge qol jetkizdi. Atap aıtqanda:
-
130 sm bıiktiktegi marshrýt – 1-oryn (CluGold),
-
125 sm – 3-oryn (Selly Blue),
-
135 sm – 5-oryn (Selly Blue),
-
Maxima Park týrnırinde 120, 125 jáne 135 sm bıiktiktegi birneshe marshrýtta júldeli oryndarǵa ıe boldy (CluGold, Cinderella jáne Selly Blue atty attarmen).
Bul jetistikter «Prestige Horse Club» klýbynda júıeli jáne kásibı daıyndyq jumystarynyń nátıjesi bolyp tabylady. Klýb ókilderi halyqaralyq arenada Qazaqstannyń bedelin kóterip, at sportynyń damýyna úles qosyp keledi.
Aıta keteıik, buǵan deıin elimizdegi at sportyna memleketten qoldaý jetispeı turǵanyn jazǵanbyz.