Qazaqstandyq seısmologter Qytaıda jer silkinisin tirkedi

ASTANA. KAZINFORM — 30 naýryzda QR Tótenshe jaǵdaılar mınıstrligine qarasty «Ulttyq seısmologııalyq baıqaýlar jáne zertteýler ǵylymı ortalyǵy» JShS-niń seısmıkalyq stantsııalar jelisi Qytaı aýmaǵynda jer silkinisin tirkedi.

Seısmologııalyq oqıǵa Astana ýaqytymen 17:24:51-de bolǵan.

Jer silkinisiniń epıtsentri 41,303° soltústik endik jáne 83,490° shyǵys boılyq koordınattarynda, Almaty qalasynan ońtústik-shyǵysqa qaraı 584 shaqyrym qashyqtyqta ornalasqan.

Aıta ketelik Jambyl oblysynda jer silkinisiniń saldaryn baǵalaý jónindegi úkimettik toptyń jumysy jalǵasyp jatqanyn jáne Úkimettik jumys toby jer silkinisinen zaqymdanǵan nysandardy aralaǵany týraly jazǵan edik.

Eske sala keteıik, buǵan deıin Almatydan 323 shaqyrym jerde jer silkinisi tirkelgenin jazǵan bolatynbyz. Eseptelgen qarqyndylyǵy Merki aýylynda — 5.0 ball, Qulan aýylynda — 4.0 ball, Shý qalasynda — 2.0 ball shamasynda bolǵan.