Qazaqstandyq seısmologtar Qytaı men Aýǵanstan aýmaǵyndaǵy jer silkinisin tirkedi

ASTANA. KAZINFORM - 18 aqpanda Qazaqstan Respýblıkasy Tótenshe jaǵdaılar mınıstrliginiń «NNTsSN» jáne «I» JShS seısmıkalyq stansalar jelisi eki ret – Qytaı men Aýǵanstanda jer silkinisin tirkedi. 

Saǵat 14:59-da tirkelgen birinshi jer silkinisiniń oshaǵy Almatydan ońtústik-shyǵysqa qaraı 268 shaqyrym jerde Qytaı aýmaǵynda ornalasqan.

«Jer silkinisiniń energetıkalyq klasy – 10,8. Magnıtýdasy MPV 4.6. Tereńdigi 5 km. Qazaqstan aýmaǵynda baıqalý (MSK-64 shkalasy boıynsha) joq», - delingen Almaty qalasy ÁQU kezekshi operatorynyń habarlamasynda.

Saǵat 17:20-da tirkelgen ekinshi jer silkinisiniń oshaǵy Almatydan ońtústik-batysqa qaraı 1 110 shaqyrym jerde Aýǵanstan aýmaǵynda ornalasqan. 

«Jer silkinisiniń energetıkalyq klasy – 11,9. Magnıtýdasy MPV 5.3. Tereńdigi 35 km. Qazaqstan aýmaǵynda baıqalý (MSK-64 shkalasy boıynsha) joq», - delingen Almaty qalasy ÁQU kezekshi operatorynyń habarlamasynda.