Qazaqstandyq seısmologtar Batys Sibirdiń ońtústiginde jer silkinisin tirkedi
ASTANA.KAZINFORM - Seısmologtar búgin Reseıdiń Novosibir oblysynda jer silkinisin tirkedi, dep habarlaıdy Qazaqstan Ulttyq derekter ortalyǵy.
QR Ulttyq ıadrolyq ortalyǵynyń Geofızıkalyq zertteýler ınstıtýty Qazaqstan derekter ortalyǵynyń jedel derekterine sáıkes, jer silkinisi búgin, 16 shildede Astana ýaqyty boıynsha tańǵy saǵat 5:34-te (GMT boıynsha tańǵy saǵat 00:34) Reseıde tirkeldi.
Epıtsentrdiń koordınattary: soltústik endik boıynsha 54,54 gradýs, shyǵys boılyq boıynsha 83,55 gradýs. Magnıtýdasy mb=4,5. Energetıkalyq klasy K=10,8.
Aıta keteıik, Jambyl oblysynda 4,5 magnıtýdaly jer silkinisi tirkelgen edi.
Tájikstanda 5,3 baldyq jer silkinisi boldy.
