Qazaqstandyq seısmologter Aýǵanstandaǵy jer silkinisin tirkedi

ASTANA.KAZINFORM — Búgin Astana ýaqytymen saǵat 13:58–de Aýǵanstan aýmaǵynda jer silkinisi boldy. Bul týraly «Ulttyq seısmologııalyq baqylaý jáne zertteý ǵylymı ortalyǵy» JShS seısmıkalyq stantsııalar jelisi habarlady.

— Jerasty dúmpýleri kelesi koordınattarda tirkeldi: soltústik endik 37.23 gradýs, shyǵys boılyq 70.88 gradýs, — delingen habarlamada.

Zilzalanyń magnıtýdasy mb = 5, energetıkalyq klasy K = 10.9 boldy.

Eske sala keteıik, 30 maýsym kúni tańǵy saǵat 07:32–de Tótenshe jaǵdaılar mınıstrliginiń «Ulttyq seısmologııalyq baqylaý jáne zertteý ǵylymı ortalyǵy» JShS seısmıkalyq stantsııalar jelisi Aýǵanstanda taǵy jer silkinisi tirkegen bolatyn. 

Al Japonııada bir jarym apta ishinde 900-ge jýyq jer silkinisi tirkelgeni belgili boldy.