Qazaqstandyq semserlesýshiler Vengrııadaǵy Gran-prı týrnırine qatysady

ASTANA. KAZINFORM – Halyqaralyq semserlesý federatsııasy aldaǵy ýaqytta Gran-prı týrnırine qatysatyn sportshylardyń tizimin jarııalady.

Vengrııanyń Býdapesht qalasynda ótetin jarysta medaldar men reıtıngtik upaılar semserlesýshiler arasynda sarapqa salynady.

QR UOK málimetinshe, Qazaqstan quramasynyń tizimine eki sportshy endi. Býdapeshtte Vladıslava Andreeva men Sofııa Nıkolaıchýk el namysyn qorǵaıdy.

Vengrııadaǵy Gran-prı 13-15 naýryz aralyǵynda ótedi.

Aıta keteıik, Qazaqstan tarıhynda alǵash ret semserlesýden shpaga boıynsha álem kýbogi kezeńi ótpek. Halyqaralyq doda 26-29 naýryz kúnderi Astanadaǵy QAZAQSTAN jeńil atletıka sport kesheninde uıymdastyrylady.

Astanalyq taekvondoshy Toǵjan Qazynabek Bolgarııa tórinde top jardy.