Qazaqstandyq semserlesýshiler Azııa chempıonatynda úsh medal jeńip aldy
ASTANA. KAZINFORM — Qazaqstan quramasy Bahreın astanasy Manamada ótip jatqan semserlesýden jastar arasyndaǵy Azııa chempıonatynda bir altyn, bir kúmis jáne bir qola medal jeńip aldy. Kırıll Prohodov chempıon atansa, Qaısha Jánibek kúmis, Dılıara Isabekova qola júldege ıe boldy. Bul týraly UOK málim etti.
Shpagadan erler arasyndaǵy jekeleı saıysta Kırıll Prohodov altyn medal jeńip aldy.
Fınalda qazaqstandyq sportshy Gonkong ókili Vong Pak ıÝmen kezdesip, 15:12 esebimen jeńiske jetti.
Qaısha Jánibek kúmis júldege qol jetkizdi. Ol sablıa básekesiniń fınalynda Gonkong sportshysy Djeın Sammer Sıtke 8:15 esebimen ese jiberdi. Al Dılıara Isabekova jarysty úshinshi orynmen aıaqtady.
Aıta keteıik, QR UOK málimetinshe, otandastarymyz barlyq qarý túrleri boıynsha júldege talasayp jatyr.
Shpaga: Kırıll Prohodov, Bogdan Lýkın, Georgıı Tınnıkov, Mıhaıl Kýzmın, Karolına Fomına, Natalıa Zınıakova, Marııa Lesovskaıa, Polına Lesovskaıa
Sablıa: Qýanysh Erǵashbaı, Qaınazar Nurqatuly, Beksultan Abjal, Erhan Qaraman, Qaısha Jánibek, Polına Ko, Dılıara Isabekova, Adema Serikbaı
Rapıra: Ǵalym Nurymov, Tımofeı Semenov, Mansur Esteý, Evgenıı Tokanov, Sofııa Aktaeva, Alena Gnoeva, Alına Iskanderova, Ksenııa Andreeva
Azııa chempıonaty 2 qarashada aıaqtalady.
