Qazaqstandyq semserlesýshiler Azııa chempıonatynda 2 qola medal jeńip aldy

ASTANA. KAZINFORM – Qazirgi tańda Djakartada (Indonezııa) semserlesýden kadetter men jasóspirimder arasynda Azııa chempıonaty ótip jatyr.

Ulttyq olımpıadalyq komıtettiń málimetinshe, kadetter arasyndaǵy jarysta Qazaqstan quramasy eki qola medal jeńip aldy.

Aıbar Qaıym qylyshtasýdan 3-oryn aldy. Sondaı-aq semserlesýden qyzdar arasyndaǵy komandalyq jarysta Qazaqstan quramasy qola júldege ıe boldy. 

El namysyn Darıa Samodelkına, Sabına Serıkova, Polına Lesovskaıa jáne Arına Namestnıkova qorǵady.

Eske sala keteıik, buǵan deıin qazaqstandyq semserlesýshiler Germanııadaǵy álem kýbogy kezeńinde altynshy oryn alǵanyn habarlaǵanbyz.