Qazaqstandyq semserlesýshiler álem kýboginiń kezeńinde óner kórsetedi

ASTANA.KAZINFORM - Qazaqstan quramasy semserlesýden Vankýverde (Kanada) ótetin álem kýboginiń kezeńine qatysady.

Semser qarýymen aıqasýdan áıelder arasynda ótetin jarysta Sofııa Nıkolaıchýk el namysyn qorǵaıdy.

Erler arasynda medal men reıtıngtik upaı úshin Rýslan Kýrbanov, Vadım Sharlaımov, Erlik Sertaı, Elmır Álimjanov, Nıkıta Jýlınskıı, Kırıll Prohodov, Kırıll Pavlov, Alekseı Kasatkın jáne Aleksandr Fedotov baq synaıdy.

QR UOK málimetinshe, álem kýboginiń kezeńi 4-6 jeltoqsan aralyǵynda ótedi.

Buǵan deıin boksshy Jánibek Álimhanulynyń Erıslandı Laramen jekpe-jegi qaı telearnadan kórsetiletinin jazǵan bolatynbyz.