Qazaqstandyq semserlesýshiler álem kýbogi kezeńinde altynshy oryn aldy
ASTANA. KAZINFORM – Haıdenhaım qalasynda (Germanııa) semserlesýden erler arasynda álem kýbogi kezeńi aıaqtaldy.
Qazaqstan quramasy komandalyq jarysta shırek fınalǵa deıin jetti. Týrnır barysynda otandyq semserlesýshiler Portýgalııa men Germanııa quramalaryn jeńdi. Alaıda 1/4 fınalda Shveıtsarııaǵa jol berdi. Nátıjesinde ulttyq qurama altynshy orynǵa turaqtady.
El namysyn Elmır Álimjanov, Rýslan Kýrbanov, Erlik Sertaı jáne Kırıll Prohodov qorǵady.
Jarysta Frantsııa quramasy jeńiske jetti. Ońtústik Koreıa kúmis medal ıelense, Nıderland quramasy qola júlde enshiledi.
Aıta keteıik, jekeleı synda Rýslan Kýrbanov altyn medal jeńip aldy.
Eske salaıyq, Horvatııa astanasy Zagrebte kúres túrlerinen ótken «Zagreb Open-2026» reıtıngtik týrnırinde qazaqstandyq Islam Evloev (97 keli) grek-rım kúresinen kúmis júldeger atandy.