Qazaqstandyq semserlesýshiler álem chempıonatynda úzdik 32 sportshynyń qataryna endi
ASTANA. KAZINFORM — Semserlesýden Gonkongta ótip jatqan álem chempıonatynda erler arasyndaǵy jekeleı sapy básekesiniń pleı-off kezeńi jalǵasyp jatyr.
Qazaqstan quramasynyń barlyq ókilderi – Rýslan Qurbanov, Erlik Sertaı, Kırıll Prohodov jáne Vadım Sharlaımov úzdik 32 sportshynyń qataryna ený úshin synǵa tústi.
Rýslan Qurbanov Izraıl ókili Iohanatan Messıka Lambreıdi 15:7 esebimen senimdi jeńdi. Al Kırıll Prohodov Fınlıandııa sportshysy Kerrko ıArvıdi 15:5 esebimen aıqyn basymdyqpen utty.
Ókinishke qaraı, Vadım Sharlaımov pen Erlik Sertaı júlde úshin kúresti jalǵastyra almaıdy. Vadım Vırgın araldarynyń ókili Krýz Shembrıden 9:15 esebimen ese jiberse, Erlik Ońtústik Koreıa sportshysy Omın Kvonnǵa 10:15 esebimen jol berdi.
Birneshe mınýttan keıin jarys jolyna qylysh saıysynan Karına Dospaı, Aıgerim Sarybaı jáne Anastasııa Gýlık synǵa túsedi.
Aıta ketelik Semserlesýshi arýlarymyz álem chempıonatyndaǵy jekeleı jarysty aıaqtady.
