Qazaqstandyq semserlesýshiler Aıchı-Nagoıada jartylaı fınalǵa joldama aldy
ASTANA. KAZINFORM — Semserlesýden Qazaqstan áıelder quramasy Aıchı-Nagoıada (Japonııa) ótip jatqan 2026 jylǵy Azııa oıyndarynyń jartylaı fınalyna joldama aldy.
Shırek fınalda qazaqstandyq semserlesýshiler Gonkong quramasynan basym tústi.
Qazaqstan sapynda Sofııa Nıkolaıchýk, Irına Bakaldına jáne Vladıslava Andreeva óner kórsetti. Darıa Samodelkına qosalqy sportshy retinde tirkeldi.
Báseke 45:35 esebimen Qazaqstan quramasynyń paıdasyna aıaqtaldy.
Osylaısha, qazaqstandyq shpagashylar Azıada-2026 júldesi úshin kúresti jalǵastyrady. Olar kem degende qola medaldi qamtamasyz etti.
Aıta ketelik Qazaqstan quramasy baıdarka esýden Azııa oıyndarynyń úzdik úshtigine kirgen edi.
