Qazaqstandyq semserlesýshi Kırıll Prohodov álem kýbogy kezeńinde altyn aldy

ASTANA. KAZINFORM — Qazaqstan quramasynyń semserlesýden shpaga saıysyndaǵy ókili Kırıll Prohodov Ózbekstannyń Tashkent qalasyndaǵy ıýnıorlar arasyndaǵy álem kýbogy kezeńiniń jeńimpazy atandy.

Jartylaı fınalda qazaqstandyq semserlesýshi alań ıesi Kamronbek Ismoılovty (Ózbekstan) 15:6 esebimen jeńdi.

Al sheshýshi synda Kırıll Prohodov Taıbeı ókili Chen Bın-ıÝnnan basym túsip, kezdesýdi 15:7 esebimen óz paıdasyna aıaqtady.

Eske sala keteıik, buǵan deıin semserlesýshi Rýslan Qurbanov Kanadadaǵy álem kýbogy kezeńinde úzdik ondyqqa engenin jazǵan edik.