Qazaqstandyq samboshylar Azııa chempıonatynda 8 altyn jeńip aldy

ASTANA. KAZINFORM — Tashkent qalasynda sporttyq jáne jaýyngerlik sambodan eresekter, jastar, jasóspirimder arasynda Azııa jáne Tynyq muhıt chempıonaty ótip jatyr.Qazaqstan sambo federatsııasynan málim etkenindeı, eki kúnniń qorytyndysy boıynsha qazaqstandyqtar 8 altyn, 5 kúmis, 13 qola medalǵa ıe boldy.

Atap aıtqanda, sporttyq sambodan erler arasynda Jandos Beısenbaev (64 kg), Arnur Qýataı (71 kg), áıelderden Aıman Ibragımova (50 kg), Mádına Erjan (80 kg) altynnan alqa taqty. Jaýyngerlik sambodan Baqytjan Dúısembekov (79 kg), Mádı Raıhan (98 kg), Jadyra Paıyz (50 kg), álem chempıony Nurıla Asanqyzy (+80 kg) úzdik shyqty. 

Eske sala keteıik, budan buryn Oralda qazaq kúresinen Qazaqstan chempıonatynda 470-ke jýyq balýan baq synap jatqanyn jazǵan bolatynbyz.