Qazaqstandyq sadaqshylar Azııa kýbogynda taǵy eki altyn medal jeńip aldy
ASTANA. KAZINFORM – Qazaqstan quramasy sadaq atýdan Taılandtyń Bangkok qalasynda ótip jatqan Azııa kýbogynyń birinshi kezeńinde taǵy úsh medal jeńip aldy.
Erler quramasy klassıkalyq sadaq atýdan jeńis tuǵyrynyń eń bıik satysyna kóterildi. Ilfat Abdýllın, Dáýletkeldi Jańbyrbaı jáne Dastan Kárimov fınalda Úndistan komandasyn 5:4 esebimen jeńdi.
Osy baǵdarlamada áıelder quramasy da jarysty birinshi orynmen aıaqtady. Sheshýshi kezdesýde Aleksandra Zemlıanova, Samıra Jumaǵulova jáne Dıana Tursynbek Qytaı quramasynan basym tústi (6:2).
QR UOK málimetinshe, sonymen qatar bloktyq sadaq atýdan aralas komandalyq saıysta Vıktorııa Lıan men Býned Mırzametov Sıngapýr sportshylaryn 152:151 esebimen jeńip, qola medal ıelendi.
Aıta keteıik, buǵan deıin bloktyq sadaq atýdan komandalyq saıysta Vıktorııa Lıan, Roksana ıÝnýsova jáne Dıana ıÝnýsova altyn medal jeńip alǵan edi.
