Qazaqstandyq sadaqshylar Azııa kýbogyna daıyndyqty bastady

ASTANA. KAZINFORM – Sadaq atýdan Qazaqstan quramasy Azııa kýbogynyń alǵashqy kezeńine daıyndyqty bastady. 

Ulttyq olımpıadalyq komıtettiń málimetinshe, 5-20 aqpan aralyǵynda sportshylar Almaty oblysyndaǵy Sporttyq daıarlyq ortalyǵynyń bazasynda oqý-jattyǵý jıynyn ótkizedi.

Jıynǵa 30 sadaqshy qatysady.

Aıta keteıik, Azııa kýbogynyń alǵashqy kezeńi 21-28 naýryz aralyǵynda Bangkokta (Taıland) ótedi.

Buǵan deıin Qazaqstan quramasy nysana kózdeýden Azııa chempıonatynda eki medal jeńip alǵanyn habarlaǵanbyz.