Qazaqstandyq polıtseıler halyqaralyq týrnırde kúmis júldeger atandy
ASTANA. KAZINFORM — Qazaqstandyq polıtseıler Úrimjide ótken halyqaralyq týrnırde kúmis júldeger atandy, dep habarlaıdy Polisia.kz.
Qytaı Halyq Respýblıkasynyń Úrimji qalasynda alǵash ret Qytaı jáne Orta Azııa elderi polıtsııalarynyń arasynda halyqaralyq jarys ótti.
Týrnır barysynda qatysýshylar erkin kúres, kıkboksıng, ártúrli qarýdan atý sııaqty sport túrlerinen synǵa túsip, sondaı-aq qylmyspen kúres qoǵamdyq qaýipsizdikti qamtamasyz etýge qajetti taktıkalyq operatsııa elementterin pysyqtady.
— QR Іshki ister mınıstrliginiń qurama komandasy el namysyn abyroımen qorǵap, jalpykomandalyq esepte ekinshi oryndy ıelendi. Olar tek alań ıelerine — Qytaı quramasyna jol berdi. Bul jetistik — kúndelikti zań men tártiptiń saqshysy bolyp júrgen qyzmetkerlerdiń joǵary deńgeıdegi dene daıyndyǵynyń, tártibi men kásibı sheberliginiń aıqyn dáleli, — delingen aqparatta.
Aıta ketý kerek, atalǵan týrnırdi uıymdastyrý bastamasyn Qazaqstannyń Іshki ister mınıstri kótergen bolatyn. Halyqaralyq jarys ótkizý ıdeıasy 2024 jyly Lıanıýngan qalasynda ótken «Orta Azııa — Qytaı» formatyndaǵy ishki ister jáne qoǵamdyq qaýipsizdik mınıstrleriniń alǵashqy kezdesýinde usynylǵan edi.
Mundaı is-sharalar memleketter arasyndaǵy yntymaqtastyqty nyǵaıtýǵa, tájirıbe almasýǵa jáne polıtsııanyń jaýyngerlik daıyndyǵyn arttyrýǵa zor yqpal etedi.
Buǵan deıin, qazaqstandyq áskerı qyzmetshiler álem chempıonatynda altyn men kúmis oljalaǵanyn jazdyq.
