Qazaqstandyq pedagogter Mınskide halyqaralyq baıqaýda júldeli oryndarǵa ıe boldy
ASTANA. KAZINFORM — Mınskide ótken halyqaralyq pedagogıkalyq sheberlik festıvalinde qazaqstandyq muǵalimder eki birinshi jáne bir ekinshi oryn ıelendi. Sonymen qatar Qazaqstannyń úsh ókili «TMD bilim berý isiniń úzdigi» tósbelgisimen marapattaldy. Bul týraly Oqý-aǵartý mınıstrligi málim etti.
Mınsk qalasynda ótken TMD-ǵa qatysýshy memleketterdiń muǵalimderi men bilim berý qyzmetkerleriniń IX sezinde Qazaqstan delegatsııasynyń úsh múshesi «TMD bilim berý isiniń úzdigi» tósbelgisimen marapattaldy. Sonymen qatar qazaqstandyq pedagogter IV Halyqaralyq pedagogıkalyq sheberlik festıvalinde eki birinshi jáne bir ekinshi oryndy ıelendi.
Tósbelgi ıegerleri qatarynda Y. Altynsarın atyndaǵy Ulttyq bilim akademııasynyń bas ǵylymı qyzmetkeri Jaýbaı Qaraev, Abaı atyndaǵy Qazaq ulttyq pedagogıkalyq ýnıversıtetiniń akademııalyq qyzmet jónindegi prorektory Baný Narbekova jáne Shymkent qalasyndaǵy A. S. Pýshkın atyndaǵy № 1 mektep-gımnazııanyń bıologııa páni muǵalimi Alına Soloveva bar.
— Sezge jeti memlekettiń ókilderi qatysty. Qatysýshylar bilim berý salasyndaǵy yntymaqtastyqty damytý, pedagogterdiń kásibı utqyrlyǵyn arttyrý, ınnovatsııalardy engizý jáne tıimdi pedagogıkalyq tájirıbelerdi taratý máselelerin talqylady, — delingen habarlamada.
Belarýstiń Ulttyq bilim akademııasynda uıymdastyrylǵan festıvaldiń betpe-bet kezeńinde qatysýshylar sheberlik sabaqtaryn ótkizip, kásibı tájirıbelerimen bólisti.
Ulytaý oblysy Jańaarqa aýdanyndaǵy № 1 mektep-lıtseıiniń pedagogi Baýyrjan Bazarbaev birinshi oryndy ıelenip, І dárejeli dıplommen marapattaldy.
«Tárbıeshi» nomınatsııasynda Aqtóbe oblysynyń ókili Indıra Nazarova birinshi orynǵa ıe boldy.
«Psıholog / áleýmettik pedagog» nomınatsııasynda Pavlodar oblysynyń ókili Rımma Abıgýzına ekinshi oryndy ıelendi.
Al pedagog mártebesi qalaı qorǵalyp jatqanyn myna materıaldan oqyńyz.
