Qazaqstandyq paravoleıbolshylar alǵash ret Azııa chempıony atandy

ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan Azııa chempıonatynda Qazaqstan quramasy jeńimpaz boldy.

Qazaqstandyqtar fınalda Qytaı quramasymen altyn júldeni sarapqa saldy. 

Alǵashqy eki partııada alań ıeleri 25:15, 25:19 esebimen basym tústi.

Úshinshisinde qazaqstandyqtar 25:19 esebimen ese qaıyrdy.

Tórtinshi sette aldymen qytaılyqtar 10:5 esebimen alǵa ketti. Degenmen Baýyrjan Tahaýovtyń shákirtteri tarazy basyn teńestirip, keıin óz paıdasyna jazdy – 25:20.

Sheshýshi, besinshi partııada qazaqstandyqtardy qytaılyqtar toqtata almady – 15:8. Qorytyndy esep – 3:2.

Osylaısha, voleıboldy otyryp oınaýdan Qazaqstan quramasy kambek jasap, alǵash ret óz tarıhynda Azııa chempıony atandy. 

- Óz shákirtterime rızamyn. Jigitter jaqsy oıyn órnegin kórsete bildi, - dedi Qazaqstan quramasynyń bas bapkeri Baýyrjan Tahaýov.

Ótken jyly Parıj Paralımpıadasyna qatysyp, besinshi orynǵa taban tiregen qazaqstandyq paravoleıbolshylar bıyl osyndaı tarıhı tabysqa jetip otyr. 

Eske sala keteıik, budan buryn voleıboldy otyryp oınaýdan Azııa chempıonatynda Qazaqstannyń altyn úshin talasatynyn jazǵan bolatynbyz.