Qazaqstandyq paravoleıbolshylar álem kýboginde qola júlde jeńip aldy
ASTANA. KAZINFORM – AQSh-tyń Fort-Ýeın qalasynda voleıboldy otyryp oınaýdan álem kýbogi máresine jetti.
Qazaqstan quramasy qola júlde úshin básekede AQSh quramasymen sheberlik baıqasty.
Baýyrjan Tahaýovtyń shákirtteri alǵashqy eki partııada 25:23, 25:18 esebimen basymdyq tanytty. Budan keıin alań ıeleri bir setti aldy – 25:15. Degenmen tórtinshi setti qazaqstandyqtar jeńispen aıaqtaı bildi – 25:23. Qorytyndy esep – 3:1.
Sóıtip 2028 jyly Los-Andjeleste ótetin Paralımpıada oıyndaryna qatysý úshin reıtıngilik upaı beriletin álem kýboginde qazaqstandyq paravoleıbolshylar úzdik úshtikten kórindi.
Toptyq kezeńde Qazaqstan quramasy sońǵy matchta Taılandty 3:0 (25:15, 25:8, 25:14) esebimen jeńgen edi. Tek jartylaı fınalda ǵana Mysyrǵa 0:3 (12:25, 23:25, 18:25) esebimen ese jibergen bolatyn.
Eske sala keteıik, budan buryn voleıboldy otyryp oınaýdan álem kýboginde Qazaqstan quramasy jarys favorıti – AQSh-ty utqanyn jazǵan edik.