Qazaqstandyq paravoleıbolshylar álem chempıonatynyń shırek fınalyna shyqty
ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan álem chempıonatynda Qazaqstan quramasy 1/8 fınaldaǵy matchyn jeńispen túıindedi.
Bul joly Baýyrjan Tahaýovtyń shákirtteri Polsha quramasyna qarsy keldi. Alǵashqy eki set 25:18 esebimen aıaqtaldy.
Qazaqstandyq paravoleıbolshylar úshinshi partııada da qarqyndy báseńdetken joq – 25:20.
Qorytyndy esep – 3:0, Qazaqstannyń paıdasynda .
Oıyndy Halyqaralyq Paralımpıada komıtetiniń prezıdenti Endrıý Parsons tamashalady.
Osylaısha, Qazaqstan álem chempıonatynda úzdik segiz komandanyń qataryna endi.
Eske sala keteıik, budan buryn para voleıboldan álem chempıonatynda Irakty jeńgen Qazaqstan quramasynyń pleı-off kezeńine shyqqanyn jazǵan edik.
