Qazaqstandyq paravoleıbolshylar álem chempıonatyn aıqyn jeńispen bastady
ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan ótip jatqan álem chempıonatynda Qazaqstan quramasy alǵashqy jeńisine qol jetkizdi.
Qazaqstandyq paravoleıbolshylar S tobynda Horvatııa quramasymen sheberlik baıqasty.
Bastapqy partııada Baýyrjan Tahaýovtyń shákirtteri 25:16 esebimen basym tústi. Odan keıingi eki set te 25:19 esebimen aıaqtaldy.
Qorytyndy esep – 3:0, Qazaqstannyń paıdasynda.
Erteń Qazaqstan quramasy óz tobynda ekinshi kezdesýin Brazılııamen ótkizedi. Sodan soń Irak komandasy kútip tur.
Eske sala keteıik, budan buryn qazaqstandyq paravoleıbolshylardyń álem chempıonatynda baq synaıtynyn jazǵan edik.
