Qazaqstandyq Paralımpıadashylar 22 lıtsenzııa jeńip aldy

ASTANA. KAZINFORM — Frantsııa astanasy Parıj qalasynda ótetin Paralımpıada oıyndaryna taǵy bir qazaqstandyq atlet joldama jeńip aldy.

Naqtyraq aıtsaq, qazaqstandyq sportshysy Saltanat Ábilhasymqyzy para jeńil atletıkadan Parıj-2024 lıtsenzııa aldy. Ol T35 klassynda 100 m júgirý dıstsıplınasynda óner kórsetetin bolady.

Bul osymen para jeńil atletıkadan Qazaqstannyń tórtinshi lıtsenzııasy. Budan bólek, Paralımpıada oıyndarynda atalǵan sporttan el namysyn Dastan Muqashbekov, Jolaman Elaman jáne Qaıyrjanova Gúlbahyt qorǵaıtyn bolady.

Qazirgi ýaqytta Qazaqstannyń Paralımpıada oıyndarynda sporttyń 8 túrinen 22 lıtsenzııa bar.

Olardyń ishinde: para paýerlıftıng (5), para jeńil atletıka (4), para júzý (4), voleıboldy otyryp oınaý (1), para ústel tennısi (1), para taekvondo (3), para kanoe (2) jáne para oq atý (2).
XVII jazǵy Parıj-2024 Paralımpıada oıyndary 28 tamyz ben 8 qyrkúıek aralyǵynda ótedi. Jarysta 23 sport túrinen 549 medal jıyntyǵy sarapqa salynady.