Qazaqstandyq parasportshylar Mysyrda eki medal jeńip aldy

ASTANA. KAZINFORM - Mysyr elinde ótken paraústel tennısinen Fa40 ashyq chempıonatynda qazaqstandyq sportshylar 1 kúmis jáne 1 qola medal enshiledi.

QR Sport komıteti málim etkendeı, jarysta aralas jup razrıadynda óner kórsetken Talǵat Erekeev pen Altynaı Erjanqyzy kúmis medal ıelendi. Al, juptyq razrıadtaǵy básekede Alı Mahýlbekov pen Talǵat Erekeev qola júlde enshilendi.

«Bul Parıj-2024 Paralımpıada oıyndaryna qatysý úshin reıtıngtik jarystardyń biri bolyp keledi. Bizdiń sportshylarymyz árdaıym óz sheberligin shyńdap, kórsetkishterin jańartyp otyrý kerek. Para ústel tennısinde reıtıngterge upaılar Fa20 jáne Fa40 jarystarynda beriledi. Fa40-tyń ereksheligi reıtıngke joǵary upaılar beriledi jáne jarysqa tek Fa20-da óner kórsetken sportshylar ǵana qatysa alady. Jalpy jyl kóleminde Fa40 jarystary 5 ret ótse, Fa20 shamamen 20-25 ret ótedi. Jýyrda naýryz aıynda Astanada tuńǵysh ret reıtıngtik Fa20 ashyq chempıonaty ótetin bolady. Oǵan 14 memleketten 135 sportshy qatysady dep josparlanyp otyr», - dedi Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń para ústel tennısinen komanda basshysy Erlan Dýsmaılov.

Aıta ketsek, Fa40 chempıonaty 23-28 qańtar aralyǵynda Gıza qalasynda ótti. Jarysqa 27 elden 190 sportshy qatysty.