Qazaqstandyq palýandar álem chempıonatynda qola júldeger atandy

ASTANA. KAZINFORM – Ispanııanyń Pontevedre qalasynda ótip jatqan kúres túrlerinen 20 jasqa deıingi sportshylar arasyndaǵy álem chempıonatynda Qazaqstan qorjynyna eki medal tústi, dep habarlaıdy Olympic.kz.

Grek-rım kúresinen 55 kelide synǵa túsken Aıbek Aıtbekov óz salmaǵynda úzdik úshtikke endi. Aıbek kishi fınalda moldovalyq Maksım Sarmanovty 10:1 esebimen jeńdi. Bul salmaqta altyndy Iran, kúmisti AQSh balýany ıelense, taǵy bir qola júlde reseılik Álibek Amırovtiń enshisinde.

87 keli salmaqta synǵa túsken Temirlan Turdaqyn da álem chempıonatynda úzdikter qatarynan kórindi. Qola medal úshin kúreste Temirlan armenııalyq Rýben Gevorgıandy jeńdi. Taǵy bir qola medaldi Grýzııa balýany ıelengen.

Eske salaıyq, búgin taǵy eki qazaqstandyq balýan álem chempıonatynyń fınalyna shyqqan bolatyn.