Qazaqstandyq padelshiler álemdik reıtıngide jeke rekordtyq kórsetkishterine qol jetkizdi

ASTANA. KAZINFORM — Halyqaralyq padel federatsııasynyń (FIP) jańartylǵan reıtıngisinde qazaqstandyq sportshylar óz nátıjelerin anaǵurlym jaqsartty.
Erler arasynda birneshe qazaqstandyq padelshi jeke rekordtaryna qol jetkizdi.
Qazaqstan quramasynyń kóshbasshysy Jánibek Úmbetov birden 57 satyǵa joǵarylap, 466-orynǵa kóterildi.

Qazaqstandyq padelshiler álemdik reıtıngide jeke rekordtyq kórsetkishterine qol jetkizdi
Foto: Qazaqstan padel federatsııasy

Damır Dúısenǵazın kórsetkishin 335-ke jaqsartyp, TOP-900-ge jaqyndady. 

FIP reıtıngisinde qazaqstandyqtardyń nátıjeleri (erler):

Jánibek Úmbetov — 466-oryn (+57),
Rodıon Pak — 474 (+19),
Aldııar Myzdıbaev — 657 (+32),
Jaqsylyq Qozybaq — 734 (+90),
Evgenıı Danılov — 753,
Damır Dúısenǵazın — 972 (+335).

Áıelder arasynda Marııa Sınıtsyna 510-nan 455-ke (+55), al Áıgerim Súleımen 806-dan 613-ke (+193), Tatıana Georgadze 806-dan 662-ge (+144) kóterildi.

Qazaqstandyq jastar Azııa FIP Promises reıtıngisinde birneshe jas ereksheligi boıynsha TOP-5-ke enip tur. Arnur Tursynhan men Islam Dúısenǵazın U16 sanatynda ekinshi, al 18 jasqa deıingiler arasynda tórtinshi orynda keledi. Qyzdar arasynda U18 sanaty boıynsha Sofııa Pak tórtinshi satyǵa shyqsa, Aılın Amantaı men Ádııa Bektemisova 8-oryndy bólisip tur.

Eske sala keteıik, budan buryn qazaqstandyq jas padel sheberleri Azııa reıtıngisinde úzdikter qataryna engenin jazǵan edik.