Qazaqstandyq padel sheberleri FIP álemdik reıtıngisinde kórsetkishterin jaqsartty
ASTANA. KAZINFORM — Halyqaralyq padel federatsııasy (FIP) oıynshylardyń jańartylǵan reıtıngisin jarııa etti.
Qazaqstan padel federatsııasynan málim etkenindeı, Jánibek Úmbetov erekshe kózge tústi. Ol birden 43 satyǵa kóterilip, qazirgi kezde FIP reıtıngisinde 510-orynda tur.
Sonyń nátıjesinde J.Úmbetov Qazaqstannyń birinshi raketkasy atandy.
Sol sekildi Rodıon Pak eleýli serpilis jasady, ol 68 saty qosyp, 553-orynǵa shyqty. Sondaı-aq Evgenıı Danılov halyqaralyq arenada óz kórsetkishin jaqsartyp keledi. Ol jańa reıtıngide 537-den 536-ǵa kóterildi. ıAn Brek aıtarlyqtaı ilgerilip, álemdik reıtıngide 754-orynnan (+53) kórindi.
Bul nátıjeler FIP reıtıngisinde qazaqstandyq oıynshylardyń úzdik kórsetkishteri bolyp sanalady — budan buryn Qazaqstan ókilderi mundaı joǵary oryndarǵa kóterilip kórgen emes.
Jýyrda Taılandta ótken FIP Bronze Phangan halyqaralyq týrnırinde Jánibek Úmbetov pen Rodıon Pak shırek fınalǵa deıin jetti. Sóıtip olar qazaqstandyq padel sheberleriniń osy maýsymdaǵy halyqaralyq arenadaǵy úzdik nátıjeleriniń birine qol jetkizdi.
Eske sala keteıik, budan buryn padeldiń alǵash ret Azııa oıyndarynyń baǵdarlamasyna engenin jazǵan edik.
