Qazaqstandyq padel oıynshylary álemdik reıtıngide joǵary kóterildi
ASTANA. KAZINFORM — Halyqaralyq padel federatsııasy oıynshylardyń jańartylǵan álemdik reıtıngisin jarııa etti.
Qazaqstan padel federatsııasynan málim etkenindeı, Jánibek Úmbetov 9 satyǵa kóterilip, qazirgi kezde FIP álemdik reıtıngisinde 482-orynda tur. Sonyń nátıjesinde J.Úmbetov Qazaqstannyń birinshi raketkasy mártebesin nyǵaıtty.
Sondaı-aq Rodıon Pak 6 saty qosyp, 525-orynǵa kóterildi. Evgenıı Danılov 573-orynnan kórindi. Qazaqstandyqtar Aldııar Muzdybaev, Jaqas Qozybaq, Nıkıta Sıdorov sáıkesinshe 794, 910 jáne 1 232-orynǵa ornalasty.
18 jasqa deıingiler arasynda FIP Tour Azııa reıtıngisinde tórt qazaqstandyq oıynshy TOP-50-ge kirdi. Arnur Tursynhan men Islam Dúısenǵazın 17-orynǵa, Sanjar Jýasov pen Tımýr Ahmetov 31-satyǵa kóterildi.
Bul Qazaqstan padel federatsııasy qurylǵannan bergi eki jyl merzimde atalmysh oıyn túriniń elimizde keńinen damyp kele jatqanyn kórsetedi.
Eske sala keteıik, budan buryn padeldiń alǵash ret Azııa oıyndarynyń baǵdarlamasyna engenin jazǵan edik.
Sondaı-aq qazaqstandyq padel sheberleriniń álemdik reıtıngidegi oryndary belgili boldy.
