Qazaqstandyq onkologter obyrdy adaptıvti terapııamen emdeý úshin JI engizdi

ASTANA. KAZINFORM — Ulttyq ǵylymı onkologııalyq ortalyqta álemdegi jalǵyz tehnologııa — jasandy ıntellekt paıdalanylatyn sáýlelik terapııa qoldanylady, dep habarlaıdy Úkimettiń baspasóz qyzmeti.

Jańa ádisteme emdeý sharalaryn patsıenttiń aǵzasyndaǵy jeke ózgeristerge kúndelikti beıimdeýge múmkindik beredi, sáýlemen atýdyń dáldigin edáýir jaqsartyp, janama áser qaýpin azaıtady. Bul týraly ortalyqtyń medıtsınalyq fızıka bóliminiń bastyǵy Qaıyrgeldi Datbaev aıtty.

— Emdeý kezinde isikterdiń mólsheri kúrt ózgerýi múmkin, al qýyq nemese ishek sııaqty kishi jambas músheleri kún saıyn kólemin ózgertip otyrady. Olardy birdeı qalypta ustap turý múmkin emes. Soǵan sáıkes, biz 2025 jyldyń naýryzynan beri adaptıvti sáýlelik terapııa tásilin qoldanyp kelemiz. Búginde 80-nen astam naýqas em aldy. Nátıjesine medıtsınalyq personal da, tehnıkalyq personal da óte rızamyz, — dep atap ótti Qaıyrgeldi Datbaev.

Osydan buryn premer-mınıstr Oljas Bektenov Ulttyq ǵylymı onkologııa ortalyǵy (UǴOO) men Nazarbayev University Bıomedıtsınalyq zertteý ortalyǵynyń qyzmetimen tanysqanyn jazǵan edik.