Qazaqstandyq óndirýshilerdiń memlekettik satyp alý kólemi qanshaǵa jetti
ASTANA. KAZINFORM – 2025 jylǵy 1 qańtardan bastap qoldanysqa engizilgen «Memlekettik satyp alý týraly» zańnyń iske asý nátıjeleri týraly Qarjy vıtse-mınıstri Daýren Keńbeıl Ortalyq kommýnıkatsııalar qyzmeti alańynda ótken brıfıngide málimdedi.
Onyń aıtýynsha, búginde memlekettik satyp alý rásimderi tolyqtaı avtomattandyrylǵan. Memlekettik satyp alý veb-portalynda shamamen 18 myń tapsyrys berýshi jáne 120 myńǵa jýyq ónim berýshi tirkelgen.
– 2025 jyldyń qorytyndysy boıynsha bir kózden satyp alýlardyń úlesi jalpy satyp alý kóleminiń 24 paıyzyna jetip otyr. Jyl ishinde memlekettik satyp alýlardyń jalpy kólemi 9,6 trln teńgege jetti. Tirkelgen sharttardyń kólemi 8,1 trln teńge boldy, barlyǵy 1 mln 644 myń shart jasaldy. Onyń ishinde otandyq ónim berýshilermen 456 mlrd teńgege 167 myń shart túzildi, – dedi vıtse-mınıstr.
Sondaı-aq ol óz sózinde, 2025 jyly tirkelgen shaǵymdar sany 22 561-di quraǵan. Bul kórsetkish ótken jylmen salystyrǵanda 21 paıyzǵa tómen dedi.
Aıta keteıik, artyq shyǵyndardy azaıtý úshin memlekettik satyp alý erejeleri ózgertildi.