Islam Baıramýkov daý bolǵan sport kolledjine basshy bolyp taǵaıyndaldy

ALMATY. KAZINFORM -  Almatyda ornalasqan Respýblıkalyq sport kolledjiniń dırektory laýazymyna Islam Іlııasuly Baıramýkov taǵaıyndaldy. 

Islam Baıramýkov – erkin kúresten eńbek sińirgen sport sheberi jáne Sıdneı Olımpıadasynyń kúmis júldegeri.

1971 jyly Jambyl oblysynyń Kamenka aýylynda dúnıege kelgen. 

Respýblıkalyq olımpıada rezervi ýchılışesin (1989 jyl); Qazaq memlekettik dene shynyqtyrý ınstıtýtynyń «Dene shynyqtyrý men sport oqytýshysy» mamandyǵyn bitirgen (1993 jyl).

«Shtattyq ulttyq komandalar men sporttyq rezervtiń dırektsııasy» RMKK sportshy-nusqaýshysy (1993-2004 jj).

Ál-Farabı atyndaǵy Qazaq ulttyq ýnıversıtetiniń «Quqyqtaný» mamandyǵyn (2003 jyl), Máskeý áleýmettik-gýmanıtarlyq ýnıversıtetin (Qarjy jáne ekonomıka) (2005 jyl) aıaqtaǵan.

Eske salsaq, 2022 jyly Respýblıkalyq sport kolledji jabylady degen sheshimge Mádenıet jáne sport mınıstrligi túsinik bergen bolatyn.  

Keıin sol kezdegi Mádenıet jáne sport mınıstri bolǵan Dáýren Abaev RSK-nyń jabylmaıtynyn aıtqan.  

Sonymen qatar, Respýblıkalyq sport kolledji janyndaǵy mektep-ınternattyń qaıta ashylǵanyn jazǵanbyz.