Qazaqstandyq oqýshylar Úndistandaǵy robototehnıka chempıonatynda 6 joǵary marapat aldy

Astana. KAZINORM – 25-28 qańtarda Qazaqstan quramasy The Goa International Robotics Festival halyqaralyq ashyq chempıonatyna qatysty. El namysyn Ekibastuz, Qulsary, Almaty jáne Astana qalalarynyń oqýshylary qorǵady.

Úsh kúndik chempıonattyń qorytyndysy boıynsha qurama qorjyny úsh jas sanatyndaǵy 6 joǵary nagradamen tolyqty.

Atap aıtsaq: FLL Explore 6 jastan 10 jasqa deıin: «Challenge Solution» marapaty - Billion Team komandasy, Ekibastuz qalasynyń «Robopark» robototehnıka mektebi; «Team model» - Jylyoi Tehnik komandasy, Qulsary qalasynyń E.Halykov atyndaǵy №7 jáne A. S. Pýshkın atyndaǵy №6 mektep quramalary.

FLL Challenge 10 jastan 16 jasqa deıin: «Engineering Excellence» marapaty - Nova Fusion komandasy, Astana qalasynyń daryndy qyzdarǵa arnalǵan lıtseı-ınternaty;

FTC 12 jastan 18 jasqa deıin: 1 oryn «Motivate award 1st runner up» - Sana team komandasy, Almaty qalasynyń BIL; 1 oryn «Think award Winner» - xCellence komandasy, Astana qalasynyń FMN NZM jáne Astana Garden School mektepteriń quramasy; 1 oryn «Inspire award 1st runner up» - Qazaq style komandasy, Almaty qalasynyń №124, №81, №178, №206, №200 mektepteriniń jáne Túrkistan oblysy, Jetisaı qalasynyń №6 mektebi.

«Bizdiń komandalarymyz jarysqa qatysý tájirıbesiniń azdyǵyna qaramastan óte joǵary kásibı deńgeıin baıqatty. Chempıonatta tamasha oıyn órnegin kórsetip, tól mádenıetimizdi pash etti. Elimizge sheteldik komandalardy shaqyrý úshin úlken jumys atqaryldy. Osylaısha, aqpan aıynda Astanadaǵy Ortalyq Azııa oıyndaryna Úndistan men Shrı-Lankadan birneshe komanda qatysatynyn rastady», - dedi «Almaty daryny» ortalyǵynyń bólim basshysy Janna Almýsaeva.  

Esterińizge sala keteıik, qazaqstandyq oqýshylar ótken jyldyń jeltoqsan aıynda ótken Almaty Tech Cup respýblıkalyq týrnırinde USTEM Foundation qoǵamdyq qory QR Oqý-aǵartý mınıstrligi men Almaty qalasy ákimdiginiń qoldaýymen uıymdastyrǵan bolatyn.