Qazaqstandyq oqýshylar Qytaıdaǵy robototehnıka chempıonatynda 7 júlde jeńip aldy

ASTANA. KAZINFORM – Qazaqstandaǵy «Keleshek mektepteri» men ınnovatsııalyq shyǵarmashylyq ortalyqtarynyń oqýshylary Qytaı Halyq Respýblıkasynyń Makao qalasynda ótken FIRST LEGO League Asia Open Championship 2025 halyqaralyq chempıonatynda jeti júlde ıelendi.

7–10 tamyz aralyǵynda ótken bul doda robototehnıka, ǵylymı zertteýler men ınnovatsııalyq jobalar salasyndaǵy Azııadaǵy eń iri alańdardyń birine aınaldy. Bıylǵy jarys «Sý asty álemin zertteý» taqyrybynda ótti. Chempıonatqa álemniń 30-dan astam elinen 500-den astam komanda jáne 12 myńnan astam qatysýshy jınaldy.

Úsh kúndik jarys qorytyndysy boıynsha qazaqstandyq oqýshylar ınjenerlik sheberlik, kreatıvtilik jáne komandalyq jumys boıynsha joǵary deńgeı kórsetti.

Nátıjeler:

• 2 qola medal – Champions Award jáne chempıonattyń basty marapaty: Leas oqý ortalyǵynyń tárbıelenýshileri (Explore sanaty, 6–10 jas) jáne Oral qalasy Oqýshylar saraıynyń «Subsquad» komandasy (Challenge sanaty, 10–16 jas).

• 6 arnaıy tóreshiler júldesi:
  • Innovation Project Award – Almaty qalasyndaǵy №97 mekteptiń Nova Team komandasy («Keleshek mektepteri» jobasy);
  • Core Values Award – Leas oqý ortalyǵynyń Alliance komandasy;
  • Challenge Solution Award jáne Innovation Project Award – Túrkistan oblysyndaǵy №33 mekteptiń AquaBots komandasy («Keleshek mektepteri» jobasy);
  • Core Values Award jáne Engineering Excellence Award – Shymkent qalasyndaǵy №149 mekteptiń Yassi komandasy («Keleshek mektepteri» jobasy);
  • Challenge Solution Award – Qyzylorda oblysyndaǵy №290 mekteptiń OtAi komandasy («Keleshek mektepteri» jobasy);
  • Team Poster Award – Almaty qalasyndaǵy №97 mekteptiń Arctic Rescuers komandasy («Keleshek mektepteri» jobasy);
  • Team Model Award – Almaty qalasyndaǵy «Alem» ınnovatsııalyq shyǵarmashylyq ortalyǵynyń Alem Innovators komandasy.

FIRST LEGO League – mektep oqýshylarynyń ınjenerlik jáne zertteý daǵdylaryn LEGO Education platformasy arqyly damytýǵa baǵyttalǵan jetekshi halyqaralyq baǵdarlama. Qazaqstan men Ortalyq Azııada bul baǵdarlamany QR Oqý-aǵartý mınıstrliginiń qoldaýymen USTEM Foundation qoǵamdyq qory júzege asyrady.

Aıta keteıik, buǵan deıin qazaqstandyq oqýshylar JI olımpıadasynda rekordtyq nátıje kórsetti.