Qazaqstandyq oqýshylar ınformatıkadan Halyqaralyq olımpıadada tórt medal utty

ASTANA. KAZINFORM — Oqýshylar arasyndaǵy eń bedeldi álemdik pándik olımpıadalar – IChO, IMO, IPhO, IBO, IGeO, IOL, IOI aıaqtaldy. Búgin Bolıvııanyń Sýkre qalasynda ınformatıka páninen IOI-2025 halyqaralyq olımpıadasy óz máresine jetti. Bul týraly Oqý-aǵartý mınıstrligi málim etti.

Eki kezeńniń qorytyndysy boıynsha Qazaqstan quramasy úzdik nátıjege qol jetkizip, úsh kúmis, bir qola qanjyǵalady.

Maksım Tsoı — Almaty qalasyndaǵy RFMM-nyń 11-synyp oqýshysy; 

Mansýr Mamadahýnov, —Qyzylorda oblysy «Bilim-ınnovatsııa» lıtseıiniń 10-synyp oqýshysy;

Ákejan Asqar — Semeı qalasyndaǵy NZM-niń 11-synyp oqýshysy; 

Daýjan Beketov — Almaty qalasynyń №165 mamandandyrylǵan lıtseıiniń 9-synyp oqýshysy.

Qurama jetekshileri: Astana IT University-diń bas jattyqtyrýshysy Temirlan Satylhanov jáne Almaty IITU ýnıversıtetiniń sporttyq baǵdarlamalaý boıynsha jattyqtyrýshysy Aıbar Qýanyshbaı. Olımpıadanyń barlyq kezeńine quramany daıyndaýdy Respýblıkalyq ǵylymı-praktıkalyq «Daryn» ortalyǵy uıymdastyrdy. 

Aıta keteıik, Informatıkadan halyqaralyq olımpıada (IOI) alǵash ret 1989 jyly Bolgarııada ótkizildi. Qazaqstan Respýblıkasynyń ulttyq qurama komandasy bul bedeldi jarysqa 1998 jyldan bastap turaqty túrde qatysyp keledi. Osy ýaqyt aralyǵynda qazaqstandyq oqýshylar barlyǵy 75 medal jeńip aldy.