Qazaqstandyq oqýshylar halyqaralyq robototehnıka týrnırinde top jardy
ASTANA. KAZINFORM – Qazaqstandyq oqýshylar Qytaıdaǵy halyqaralyq robototehnıka týrnırinde eki marapatqa ıe boldy. Bul týraly Oqý-aǵartý mınıstrliginiń baspasóz qyzmeti habarlady.
Jetisý oblysyndaǵy daryndy balalarǵa arnalǵan Jylandy mamandandyrylǵan lıtseı-ınternatynyń «Water7» komandasy Qytaıdyń Shanhaı qalasynda ótken «The CaoLu Cup» halyqaralyq robototehnıka týrnırinde tabysty óner kórsetti. Qazaqstandyq oqýshylar birden eki marapatqa ıe bolyp, elimizdiń robototehnıka salasyndaǵy áleýetin taǵy bir márte dáleldedi.
Komanda Inspire Award nomınatsııasy boıynsha 3-oryn alyp, Judges' Choice Award Winner arnaıy júldesin jeńip aldy.
«The CaoLu Cup» — FIRST Tech Challenge halyqaralyq baǵdarlamasy aıasynda ótetin bedeldi robototehnıka týrnıri. Jarys barysynda qatysýshylar robottardy ózderi qurastyryp, baǵdarlamalap, túrli ınjenerlik tapsyrmalardy oryndady. Týrnırge Azııanyń jáne álemniń birneshe elinen kelgen úzdik komandalar qatysty.
«Water7» quramynda 10-11 synyp oqýshylary Kenesbek Nuraly, Melis Araı, Toqtasyn Qýanysh, Alıkuly Omar, Abýzıarov Zarıf, Isteýsız Eńlik, Sabyr Aqgúl, Erbolat Beknur, Baqyt Shyńǵys, Álimhan Asyljan, Jiger Aıjan, Ardaq Aqerke, Kenesbek Aıana, Tasbolat Imanǵalı jáne Serik Dına bar.
Komandany halyqaralyq týrnırge Aıdos Ordabaev pen Almas Janatov daıyndady.
Bul jetistik qazaqstandyq oqýshylardyń ınjenerlik oılaý, komandalyq jumys jáne zamanaýı tehnologııalardy meńgerý deńgeıiniń joǵary ekenin kórsetti.
Aıta ketelik qazaqstandyq oqýshylardyń ınjenerlik jobasy AQSh-taǵy álem chempıonatynda TOP-15-ke engen edi.
