Qazaqstandyq oqýshylar halyqaralyq matematıkalyq olımpıadadan úsh medal jeńip aldy
ASTANA. KAZINFORM - Frantsııanyń Bordo qalasynda ótken EGMO-2026 qyzdarǵa arnalǵan halyqaralyq matematıkalyq olımpıada óz máresine jetti.
QR oqý-aǵartý mınıstrligi baspasóz qyzmetiniń habarlaýynsha, jarysqa 66 elden 247 oqýshy qyz qatysty.
Jarys qorytyndysy boıynsha Qazaqstan quramasy 3 medal ıelendi:
Kúmis medal – Katýnına ıÝlııa, Pavlodar qalasyndaǵy daryndy balalarǵa arnalǵan №8 mektep-lıtseıiniń 11-synyp oqýshysy;
Kúmis medal – Qaırat Arýjan, Almaty qalasyndaǵy S.A. Hodjıkov atyndaǵy №39 mamandandyrylǵan lıtseıiniń 11-synyp oqýshysy;
Qola medal Kotorova Vera, Almaty qalasyndaǵy jaratylystaný-matematıkalyq baǵyttaǵy Nazarbaev Zııatkerlik mektebiniń 11-synyp oqýshysy.
Qurama komandany jattyqtyrǵan jetekshiler - Anton Vasılev pen Marat Nsanbaev.
Jalpy komandalyq esepte Qazaqstan 66 eldiń ishinde 20-oryndy ıelense, resmı eýropalyq elder arasynda 10-orynǵa turaqtady.
- Aıta ketý kerek, 2017 jyldan beri Qazaqstan ulttyq quramasy EGMO olımpıadasynda 3 altyn, 16 kúmis, 17 qola medal jáne 4 qurmet gramotasyn jeńip aldy,-delingen habarlamada.
Osyǵan deıin elordalyq oqýshynyń oqý úderisin jetildiretin joba oılap tapqany týraly jadyq.
