Qazaqstandyq oqýshylar FIRST GLOBAL álemdik robototehnıka olımpıadasyna qatysyp jatyr

ASTANA. KAZINFORM - Panama-sıtıde FIRST Global Challenge halyqaralyq robototehnıka olımpıadasy bastaldy. Dodaǵa álemniń 190-nan astam elinen qatysýshylar jınaldy, dep habarlaıdy QR Oqý-aǵartý mınıstrliginiń baspasóz qyzmeti.

Bıylǵy chempıonat jahandyq ekologııalyq tepe-teńdikti qalpyna keltirý jáne bıologııalyq alýandylyqty arttyrý taqyrybyna arnalǵan. Robottar ekologııany qalpyna keltirýdi modeldeıtin tapsyrmalardy oryndaý arqyly upaı jınaıdy: olar kedergilerdi (bógetterdi) joıý, bıoalýandylyq birlikterin oıyn alańyndaǵy arnaıy ekojúıelerge jetkizip ornalastyrý jáne tepe-teńdik mehanızmderin iske qosýy tıis.

Osy jylǵy irikteý nátıjesinde 40 komandanyń ishinen quramaǵa Almaty qalasyndaǵy NZM FMN 9–10-synyp oqýshylary endi: Rashat Dosymjan, Daýlet Іlııas, Orynbasarov Álıhan, Ásetuly Madıar jáne Tursymbaev Nurasyl endi. Ulttyq quramanyń jattyqtyrýshylary — Dýlat Baıtúlenov, Nurdáýlet Dosmaǵambet jáne Asylbek Myrzahmetov.

Eske sala keteıik, Qazaqstan 2022 jyly Jenevada, 2023 jyly Sıngapýrda jáne 2024 jyly Afınada absolıýttik chempıon atanǵan, qazirgi tańda álemniń úsh dúrkin chempıony bolyp tabylady.

Ulttyq quramaǵa Qazaqstan Respýblıkasy Oqý-aǵartý mınıstrliginiń «Daryn» RǴPO, USTEM Foundation QQ, Alem.AI jasandy ıntellektiniń halyqaralyq ortalyǵy jáne Cannect.AI qazaqstandyq startapy qoldaý kórsetýde.

Osyǵan deıin qazaqstandyq oqýshylardyń halyqaralyq bilim báıgelerinde 1000-nan astam medal jeńip alǵany týraly jazdyq.