Qazaqstandyq oqýshylar FEMO olımpıadasynda top jardy
ALMATY. KAZINFORM – Almatydaǵy №90 mektep-lıtseı oqýshylary Túrkııada ótken FEMO halyqaralyq olımpıadasynda 16 medal jeńip aldy.
Qala ákimdiginiń málimetinshe, almatylyq oqýshylar Antalııa qalasynda 30 mamyr men 1 maýsym aralyǵynda ótken FEMO (Future Intelligence Students Mathematics Olympiad) halyqaralyq olımpıadasynda joǵary nátıje kórsetti. Jas matematıkter jalpy esepte 16 medal jeńip alǵan.
Jyl saıyn ótetin olımpıadaǵa Qazaqstan, Grýzııa, Ózbekstan, Qyrǵyzstan, Reseı, Ulybrıtanııa, AQSh, Belarýs, Túrkııa, BAÁ, Saýd Arabııasy, Tájikstan, Germanııa, Polsha, Frantsııa, Indonezııa, Armenııa jáne Kıpr syndy 18 eldiń ókilderi qatysqan. Jalpy 6 myń oqýshynyń ishinde 570 qatysýshy fınaldyq kezeńge joldama aldy.
- №90 mamandandyrylǵan mektep-lıtseıinen qatysqan 3-6 synyp arasyndaǵy 16 oqýshynyń barlyǵy jeńimpazdar men júldegerler qatarynan kórindi: 6 altyn, 3 kúmis jáne 7 qola medal ıelendi, - dep habarlady ákimdikten.
Eske salaıyq, buǵan deıin Qazaqstan oqýshylary AQSh-taǵy halyqaralyq robototehnıka týrnırlerinde top jardy.
