Qazaqstandyq oqýshylar Eýropalyq fızıka olımpıadasynda el namysyn qorǵaıdy
ASTANA. KAZINFORM — 12-16 maýsym aralyǵynda Shvetsııa Koroldiginiń Geteborg qalasynda 10-shy Eýropalyq fızıka olımpıadasy (European Physics Olympiad, EuPhO 2026) ótip jatyr. Bul týraly Oqý-aǵartý mınıstrligi málim etti.
Bedeldi halyqaralyq zııatkerlik jarysqa álemniń 40-tan astam elinen 200-den astam oqýshy men komanda jetekshileri qatysýda. Olımpıada teorııalyq jáne eksperımenttik kezeńderden turady. Qatysýshylar fızıka zańdaryn tereń meńgerý deńgeıin, standartty emes esepterdi sheshý, eksperımenttik derekterdi taldaý jáne ǵylymı máselelerge tyń sheshimder usyný qabiletterin kórsetedi.
Qazaqstan Respýblıkasynyń ulttyq quramasy músheleri:
• Seıtqamıt Arǵyn — Astana qalasyndaǵy jaratylystaný-matematıka baǵytyndaǵy NIS-tiń 11-synyp oqýshysy;
• Ábdiqadyr Taır — Qostanaı oblystyq daryndy balalarǵa arnalǵan «Bilim-Innovatsııa» lıtseı-ınternatynyń 11-synyp oqýshysy;
• Sabyrov Mergen — Astana qalasyndaǵy NURORDA mektep-lıtseıiniń 10-synyp oqýshysy;
• Doshan Ernar — Almaty qalasyndaǵy daryndy balalarǵa arnalǵan «Bilim-Innovatsııa» lıtseı-ınternatynyń 10-synyp oqýshysy;
• Jolaman Abylaıhan — Almaty qalasyndaǵy Respýblıkalyq fızıka-matematıka mektebiniń 10-synyp oqýshysy.
Qurama jetekshileri:
• Beısenov Bekmyrza Ulasbekuly — ál-Farabı atyndaǵy Qazaq ulttyq ýnıversıtetiniń aǵa oqytýshysy;
• Ismaǵulov Temirlan Aıdaruly — halyqaralyq olımpıadalardyń júldegeri.
Eýropalyq fızıka olımpıadasy mektep oqýshylary arasyndaǵy fızıka páni boıynsha eń bedeldi halyqaralyq jarystardyń biri bolyp tabylady. 2025 jyly Qazaqstan quramasy joǵary nátıje kórsetip, 1 altyn, 2 kúmis, 2 qola medal jáne 1 qurmet gramotasyn ıelengen bolatyn.
Buǵan deıin Tashkenttegi halyqaralyq olımpıadada qazaqstandyq oqýshylar úzdik nátıje kórsetti.
