Qazaqstandyq oqýshylar Azııa olımpıadasynda 7 júlde jeńip aldy

ASTANA. KAZINFORM – Qazaqstandyq oqýshylar APhO fızıkadan Azııa olımpıadasynda jeti marapat jeńip aldy. Bul týraly Oqý-aǵartý mınıstrliginiń baspasóz qyzmeti málim etti.

Vedomstvonyń málimetinshe, Malaızııanyń Kampar qalasynda fızıkadan Azııa olımpıadasy óz máresine jetti. Onda álemniń 27 elinen 212 oqýshy baq synasty.

Qazaqstan quramasy bir kúmis, alty qola medalǵa jáne bir maqtaý gramotasyna ıe boldy.

Jeńimpazdardyń esimderi: 

Kúmis medal — Margýlan Nýrsagatov, Almaty qalasyndaǵy Respýblıkalyq fızıka-matematıka mektebiniń 11 synyp oqýshysy; 

Qola medal — Іlııas Qazymbek, Astana qalasyndaǵy Respýblıkalyq fızıka-matematıka mektebiniń 11 synyp oqýshysy; 

Qola medal — Dosjan Bısımbı, Almaty qalasynyń «Mıras» halyqaralyq mektebiniń 12 synyp oqýshysy; 

Qola medal — Bekasyl Elýbaı, Almaty qalasyndaǵy fızıka-matematıka baǵytyndaǵy Nazarbaev Zııatkerlik mektebiniń 11 synyp oqýshysy; 🥉 Qola medal — Artýr Kım, Aqtóbe oblystyq daryndy jasóspirimderge arnaǵan mamandandyrylǵan «Bilim-ınnovatsııa» lıtseı-ınternatynyń 11 synyp oqýshysy; 

Qola medal — Amır Pshenbaev, Astana qalasynyń daryndy er balalarǵa arnalǵan «Bilim-ınnovatsııa» lıtseı-ınternatynyń 11 synyp oqýshysy;

Gramota — Nurasyl Barlybaev, Atyraý oblystyq № 1 «Bilim-ınnovatsııa» lıtseı-ınternatynyń 10 synyp oqýshysy. 

Qurama komanda jetekshileri: Samat Maqsutov — PhD, SDU dotsenti jáne Nurdáýlet Qalasov — PhD, ál-Farabı atyndaǵy Qazaq ulttyq ýnıversıtetiniń aǵa oqytýshysy.