Qazaqstandyq oqýshylar XV Eýropalyq qyzdar matematıkalyq olımpıadasyna qatysady
ASTANA. KAZINFORM – Qazaqstan Respýblıkasynyń ulttyq quramasy EGMO-2026 halyqaralyq olımpıadasyna qatysady. Bul týraly Oqý-aǵartý mınıstrliginiń baspasóz qyzmeti habarlady.
Olımpıada 2026 jyldyń 9-15 sáýir aralyǵynda Frantsııanyń Bordo qalasynda ótedi.
Bul jarysqa álemniń 50-den astam elinen shamamen 200 oqýshy qyz qatysady. Qazaqstan komandasynda tórt oqýshy men eki jetekshi bar.
Aıta keteıik, el quramasy EGMO olımpıadasyna 2017 jyldan beri úzdiksiz qatysyp keledi. Osy ýaqyt ishinde qazaqstandyq oqýshy qyzdar 3 altyn, 13 kúmis, 18 qola medal jáne 4 maqtaý gramotasyn ıelengen.
Komanda quramyna 4 oqýshy qyz endi:
– Katýnına ıÝlııa – Pavlodar qalasyndaǵy №8 daryndy balalarǵa arnalǵan mektep-lıtseıdiń 11-synyp oqýshysy;
– Batyrhan Arýjan – Almaty qalasyndaǵy halyqaralyq «NURORDA» mektep-lıtseıiniń 10-synyp oqýshysy;
– Kotorova Vera – Almaty qalasyndaǵy Nazarbaev Zııatkerlik mektebiniń jaratylystaný-matematıkalyq baǵytyndaǵy 11-synyp oqýshysy;
– Qaırat Arýjan – Almaty qalasyndaǵy S.A. Hodjıkov atyndaǵy №39 mamandandyrylǵan lıtseıdiń 11-synyp oqýshysy.
Jetekshiler:
– Vasılev Anton Nıkolaevıch – ǵylymı jetekshi, fızıka-matematıka ǵylymdarynyń kandıdaty, M.V. Lomonosov atyndaǵy Máskeý memlekettik ýnıversıtetiniń Qoldanbaly jáne negizgi matematıka kafedrasynyń dotsenti;
– Nysanbaev Marat – jetekshi, halyqaralyq matematıkalyq olımpıadalardyń jeńimpazy.
Eske salsaq, buǵan deıin qazaqstandyq bıshi jasóspirimder Olımpıadasynyń joldamasyna ıe bolǵanyn jazǵan edik.
