Qazaqstandyq oqýshy Yandex Cup'23 «Algorıtm» sektsııasynyń júldegeri atandy

Sporttyq baǵdarlamalaý boıynsha álemdik jarysta alǵash ret qazaqstandyq oqýshy Yandex Cup'23 «Algorıtm» sektsııasynyń júldegeri atandy. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın telegramdaǵy paraqshasynda jazdy, dep habarlaıdy Kazinform.

«2-3 jeltoqsanda Almaty qalasynda Yandex Cup'23 fınaly men úzdik qatysýshylaryn marapattaý rásimi ótti. Eń myqty sporttyq baǵdarlamashylardyń biri Batyr Sardarbekov bul jarysta óz ornyn laıyqty túrde jeńip aldy:

1-oryn — Sun Kevin 43 b

2-oryn — Hosaka Yui 42 b

3-oryn — He Andrew 40 b

4-oryn — Sardarbekov Batyr 35 b (3 saǵ 41 mın)

5-oryn — Takahashi Ryo 35 b (3 saǵ 57 mın). 

Batyrdy osy keremet jetistigimen quttyqtaımyn jáne ICPC fınalynda sáttilik tileımin!», - dep jazdy Baǵdat Mýsın. 

Aıta keteıik, Qazaqstandaǵy sporttyq baǵdarlamalaý salasy kún ótken saıyn óte myqty nátıjeler kórsetip jatyr. 2024 jyly Astanada ICPC sporttyq baǵdarlamalaý boıynsha jarystyń fınaly ótedi.