Qazaqstandyq oqýshy Orta Azııa boıynsha ınformatıkadan úzdik dep tanyldy
ASTANA. KAZINFORM – 7–13 mamyr aralyǵynda Tashkent qalasynda matematıka jáne ınformatıka pánderinen III Halyqaralyq Ál-Horezmı olımpıadasy ótti.
Shyǵys Qazaqstan oblysynan «Bilim-ınnovatsııa» mektep-lıtseıiniń 9-synyp oqýshysy Aldııar Amangeldi altyn medal jeńip alyp, toǵyz elden kelgen 200-den astam daryndy oqýshylar arasynan eń úzdik qatysýshy atandy.
Bizdiń eldiń quramasy 100% nátıjege qol jetkizdi – alty qatysýshynyń barlyǵy júldemen oraldy:
- Aldııar Amangeldi – Óskemen qalasynan «Bilim-ınnovatsııa» lıtseıiniń 9-synyp oqýshysy;
- Álı Mendeke – Semeı qalasynan «Bilim-ınnovatsııa» lıtseıiniń 9-synyp oqýshysy;
- Meıirbek Murat – Oral qalasynan NZM-niń 9-synyp oqýshysy;
- Medeý Jubatyrov – Aqtaý qalasynan «Bilim-ınnovatsııa» lıtseıiniń 8-synyp oqýshysy;
- Aıdaıbek Abdýrahman – Taraz qalasynan «Bilim-ınnovatsııa» lıtseıiniń 9-synyp oqýshysy;
- Nurıslam Dúısenǵalı – Almaty qalasynan RFMM-niń 9-synyp oqýshysy.
Komandanyń jattyqtyrýshylary — Ibragım Ibatýlın men Jambyl Maksotov.
Ál-Horezmı olımpıadasy Ortalyq Azııa jastarynyń zııatkerlik áleýetin damytýǵa jáne naqty ǵylymdardy nasıhattaýǵa baǵyttalǵan.
Ótken jyly bizdiń oqýshylar 4 medal jeńip alǵan bolatyn.
Aıta keteıik, bilim berý uıymdaryndaǵy tamaqtaný nysandaryn baqylaý tásili ózgeredi.