Qazaqstandyq oqýshy Eýropalyq matematıkalyq olımpıadada top jardy
ASTANA. KAZINFORM — 2026 jylǵy 23-29 sáýir aralyǵynda Lıtva Respýblıkasynyń Vılnıýs qalasynda alǵash ret European Mathematical Olympiad ótti.
Atalǵan olımpıadaǵa 19 elden 21 komanda, jalpy sany 126 oqýshy qatysty. Qatysýshy memleketter qatarynda Albanııa, Armenııa, Bolgarııa, Estonııa, Fınlıandııa, Frantsııa, Grýzııa, Islandııa, Irlandııa, Qazaqstan, Kosovo, Latvııa, Lıtva, Soltústik Makedonııa, Norvegııa, Polsha, Slovenııa, Shveıtsarııa jáne Ýkraına bar.
Qazaqstan Respýblıkasynyń ulttyq quramasy joǵary nátıje kórsetip, komandalyq esepte 1-oryndy jeńip aldy. Qurama qorjynyna 3 altyn jáne 2 kúmis medal tústi. Qazaqstan quramasynyń bul jarqyn jeńisi halyqaralyq bilim arenasynda eldiń zııatkerlik áleýetiniń joǵary deńgeıin taǵy bir márte dáleldedi.
Olımpıadanyń absolıýt jeńimpazy atanǵan — Marǵulan Sharel, Astana qalasyndaǵy Spectrum International School 12-synyp oqýshysy;
Altyn medal — Eldar Ýsenov, Almaty qalasyndaǵy Nazarbaev Zııatkerlik mektebiniń 11-synyp oqýshysy;
Altyn medal — Erık Lım, Almaty qalasyndaǵy Haileybury mektebiniń 11-synyp oqýshysy;
Kúmis medal — Erasyl Altynbek, Almaty qalasyndaǵy Nurorda mektebiniń 11-synyp oqýshysy;
Kúmis medal — Anýar Aǵybaev, Almaty qalasyndaǵy Nurorda mektebiniń 10-synyp oqýshysy.
Qurama jetekshileri:
ıAroslav Galberg, Qazaqstan-Brıtan tehnıkalyq ýnıversıtetiniń 4-kýrs stýdenti;
Ashat Abdykýlov, Almaty qalasyndaǵy № 165 mamandandyrylǵan lıtseıiniń matematıka páni muǵalimi.
Aıta ketelik «Bolashaq» baǵdarlamasynyń shákirtaqysy 10-15 paıyzǵa artýy múmkin.
