Qazaqstandyq Nadejda Morozova Norvegııadaǵy álem chempıonatynda kúmis júlde aldy

ASTANA. KAZINFORM — Norvegııanyń Hamar qalasynda konkımen júgirýden álem kýbogynyń kezekti kezeńi ótip jatyr. 

Qazaqstandyq sportshy Nadejda Morozova áıelder arasyndaǵy 1 500 metrge júgirýden sátti ótti. 

Ol atalǵan qashyqtyqty 1 mınýt 54,98 sekýndta baǵyndyrdy. Bul kúmis júldeni jeńip alýǵa jetkilikti boldy. 

Altyn japonııalyq Mıko Takagıdiń enshisinde ketti. Jarys jeńimpazy ekinshi oryn alǵan otandasymyzdan 0,03 sekýnd buryn keldi. Al, norvegııalyq konkıshi Ragne Vıklýnd 1 mınýt 55,18 sekýnd kórsetkishpen úzdik úshtikti túıindedi. 

Osy baǵdarlama túrinde Qazaqstan atynan synǵa túsken Elızaveta Golýbeva 8-oryn aldy - 1:56.84.

Hamardaǵy álem kýbogynyń kezeńi konkımen júgirýden Qysqy Olımpıada oıyndaryna irikteý jarystarynyń biri sanalatynyn aıta ketken jón.

Eske salsaq, buǵan deıin qazaqstandyq bıatlonshy álem kýbogy kezeńinde ekinshi ret iz kesý jarysyna joldama alǵanyn habarlaǵanmyz.